معقوله تجي منكــ ـ ـ

معقوله تجي منك وترميني لاي إنسان ...............

...............يلملمني ولا يلقى بعيوني غير دمعاتي

أنا ماصدق أنك أنت تنهيني من الوجدان.......

...............وترميني وأنا أشوف القبر نادى مسافاتي

وكسرني الشتاء ياوليد وأنت بداخلي دفيان ..............

...............تحملت الأسى والظيم عشانك يابعد ذاتي

وصحى بي البرد واللاهوب وأنت بداخلي غفيان ............

...............تحملت السنين وقلت على الله تلملم شتاتي

أنا أمك ياهيــــــــــه أمك حملتك والعذاب الوان ............

...............ولدتك والألم سكين يركز داخل لهاتي

وأنا أثناء الوالده من بكى صوتك طعنت أحزان ............

...............لأني شفتك بصوتك تنادي كل طموحاتي

ومهدتك فعين وعين يشرب حزنها القرآن ............

...............وهزيتك وكان النور يتهزهز من دعاتي

أضمك في يديني لاتجي وتقول أنا بردان .............

...............تركت البرد لضلوعي رح أنشد رعشة شفاتي

وزولك من ركض فيني لمست بداخلي أوطان ............

...............وتركتك تبني بمجدك على كتف إنكساراتي

وتذكر يوم مدرستك صدى وكفوفنا الحرمان ............

...............وكانت رنته من فلس خنقته لك بشيلاتي

كبرت وصرت بعيوني شجاعن وأشهم الفرسان ............

...............وحلفت إني على عرسك لارقص كل شيباتي

أسولف للبشر عنك أقول ولا به أي نقصان ............

...............رضع عز الشهامه شب طموحه في معاناتي

وله شان الصقر لا لا أخذ منه الصقر له شان ............

...............يجي مثل الوضوء لاطب حنينه فوق راحاتي

يقولون الولد هو خان أقول وليدي لا ماخان ............

...............وهم يدرون ماغطى منامي غير وناتي


أفااااااااااا وشلون تتركني يكحلني عمى النسيان ............

...............وأنت أدرى فيوم الحشر جنه تحت خطواتي

لك الله مانطق صوتي لك إلا بدعوة الغفران ............

...............ولكن خوفي من حزني ومن دعوات عبراتي

تدين اليوم ياوليدي وباكر للأسف تندان ............

...............ويرمونك مثل أمك وتذكر حلم شيباتي
.........