تدري إذا البنت عشقت وش ممكن يصير ...؟!

مشتاقتلك
والشوق موت
معاد فيني أنتظر
حاولت لكن ماقويت ...!!
حاول تحس
حاول تفهم حالتي
" بنت عشقت " .... !!
تدري إذا البنت عشقت وش ممكن يصير ...؟!
يووووووه لوتدري وش عشق البنات ....
موت ... وحياة ....!!
وأشياء ابد ماتنوصف ...!!


تبي تعرف البنت إذا دشت هوى ...؟!
تنثر لها دمعة ...حلوووووه تشبه لحبات المطر ...
بس دافيه حيل ...!!
وتشري لها شمعة ...لونها وردي ...
وتفرح إذا هي تحترق ...!!
وتجلس بغرفتها كثير .... تصحى وتنام ....!!
ودايم كسل ...
وتضحك شوي ... وتبكي شوي ...!!
وتقول احياناً كلام هي نفسها " ماتفهمه " ...!!
وتغير العطر القديم ...
وتكره ملابسها القديمة ...!!
وتشري لها دفتر جديد
وتكتب عليه .... بعض الطلاسم ... والحروف
والباقي كله شخبطة ...!!

وتقرأ شعر .... كله غزل
وتقول يووووووووووووه ...!!


الله على عشق البنات ...
يحليلهم ....
مرة يحبون الهوى ...
وإذا دخلوه ضاعوا ولادلوا طريق ....!!
إمشي على شط الهوى ... وشوف البنات
هذيك غرقانه
وهذي تصيح
والثالثة تمشيء وتطيح
وبحر الهوى ملعون مايرحم احد ....!!
يموت في قتل البنات
عرفت وش عشق البنات...؟!!
......ثلاث أرباعنا حنا البنات نموت ماتدرون
.......................نحب بصمت ونواجه جنون الشوق ونعاني